[عندك موقف محرج او مضحك او حتى مقلب اسدحه هنا ]

ياكثر ماحصلي من المواقف المحرجه والمضحكه,,,,,

اذكر الحين موقف محرج....

كنا مره رايحين للعثيم وندهر وندور ثياب..يوم لقينا ماتوصف فرحتي..

واحتري اخوي على احر من الجمر..بعدين اتصل قال اطلعوا..انا ماصدقت خبر..درعمت لبرا واشوف سيارة اخوي قدامي..على طول رحت له..واجي انزل من الدحديره اقاله اسرع..ومادريت الاوانا اتزحلق..رجولي صارن عند سيارة اخوي..اثاري فيه حريم كل وحده سمت علي..وانا من الفشله..على طول ركبت السياره..اقالي ماتعورت خخخخخخخخخ..

مشكور اخوي على الموضوع الرائع..

وننتظر البقيه..

هههههههههههههه
يازورق ترحمين يعمري

انا عندي موقف مضحك بس لاتضحكون علي تراني بي نوووم مقدر افتح

المهم
مـره برمضـــان وصلنا مكه الظهر ونبي ناخذ سكن بمحبس الجن
المهم اخذوا اهلي سكن وقالوا يالله انزلوا وتراه الدور الرابع انا طافي الطبلون عندي نزلو اهلي كلهم ودخلو مابقى الا انا وامي وعمتي ينتظرونن يقولون انزلي بسرعه
المهم نزلت ودخلت عند الاستقبال قدام طاولة الاستقبال مرايه طويله احسبه المصعد وناظر نفسي واقول يالله اركبي بسرعه احسبه اختي الكبيره اقول يمه شوفي فلانه عيت تركب وتقول يارفيقة قمم مو المصعد وانا بس الجلج اقوله وخري بسرعه ماني فاضيه يمه شوفي بنتك عيت توخر عشان اركب احسبه اختي وتجي عمتي وتجرن تقول هذي مرايه وانا والله مدري كاني بحلم ضحكو حقين الاستقبال علي اهم شي ركبت المصعد دخلت السكن وانا ماشوف الارض شفت سرير فاضي وعلطول دردب
بالسرير
وماقمت الاالساعه تسع بالليل وبالغصب بعد قمت وافطرت وتعشيت مع بعض وصليت المغرب والعشاء
الا والربع بس يضحكوون علي قلت وش صااير قالو وش سويتي بالمرايه كاني فزيت من حلم قعدت اضحك على نفسي واتذكر الموقف قلت حرااام عليكم لي يومين مانمت وصايمه وتبونن اكون صاحيه ولا بالاحلام
عاد صارت الساعه 11 بالليل ورحنا للحرم واخذنا عمرتنا وعساه عمره مقبوله
بس لاحد يضحك علي مثل ماضحكو علي اهلي وعماتي ومرة اخوي
ههههههههههه والله كل ماتذكرت الموقف قعدت اضحك على نفسي

السموحة هههههههههههههههههههههههههه غصب علي ضحكت والله ..

وسعتوا صدورنا الله يوسع صدوركم ..