عندكم موقف مخيف+مرعب>اطعز هنا

مومعقوله 68 عضو ولا واحد عنده موقف

فيه 68 عضو بس مافيه أمل يتفاعل إلا أربعة أو خمسة ..

عموما الحين مافيه ببالي شيء بس إذا جاء ببالي على طول بأنقز لموضوعك وأقول لكم وش الموقف اوك؟ ..

مشكووره على الفكره اللي كانت براسي بس سبقتين به
والافضل والاحلى انه جت منك لامن

بسم الله ابدأ بموقفي المرعب المخيف اللي عجزت لساني التعبير عنه

الصيف الماضي
رايحيين نتصيف بالاجواء البارده والمعتدله تعرفون عاد ابها ماتخلا
خلتس من القرق اخلصي عليهم

المهم
تعرفون
الربع يعني انا واهلي
سافرنا لجزيرة فرسان على العباره او اليخت او السفينه اللي هو
اهم شي مشينا الساعه8 وصلنا الساعه 10 على مااظن والله اني ناسيه من الخوف
وصلنا واستنسنا وتقهوينا وافطرنا وعينا من الله خير
قالت الاداره العوده الساعه 2ظهرا
قلنا سمو ولايهمكم الساعه2 عندكم
يوم وصلنا بعد الشقاء للاداره والمكان قالوا العباره ماتمشي لانه فيه رياح والامواج مرتفعه نخاف نغرق
قلنا وش السوات الحين
بزعوا الربع اللي هم ابوي واخوتي ) وقالو ماعلينا منهم حنا بنمشي على موكيت
وين على موكيت نقطع البحر عليه مايصلح والرياح موجوده كان ندخل تحت الامواج
قالو نتوكل على الله
اييه مشينا الساعه3 الظهر على الموكيت الله يعيننا عليه
اول ماركبنا قعدنا نستهبل واللي يصفر واللي يصور
ماندري وش العاقبه وش تصير عليه
يوم مشينا ربع المسافه الا الامواج تلعب فيناا
والموج يعطي علينا قعدنا نصاارخ واللي يصيح واللي يدعي واللي متعلق بأمه والاطفال برئاء بس يناظروننا ويتعبرون (اقصد بنات اخوي)
اهم شي دخل علينا الماء والباب انفتح من الصبخ والصبيخ وكل ماصكيناه انفتح من ضرب الامواج وترفع بنا وتنزل بنا
خلالالاص أيسنا قلنا مافيه حيااة بعد هذا اليوم وقعدنا نتذكر الماضي
نبي نبلغ احد اننا بالبحر واذا فقدتونا تلقونا بالبحر مافيه ولا برج
الحين حنا بوسط البحرماجنبنا ولادليل
بنفس الوقت الكل يبكي ماعدا امي وابوي الله يحفظهم لناا
بس يهدونناا ويقولون مالنا الا ماكتب الله لنا
قعدنا نبكي زياده
عفشنا طاح وشنطتي اليدويه طاحت من وتملت ماء ابوي يرفعه عن الارض اقول يبه ترانا مايتييين لا تأخذه
يناظرن وده يصييح عبرته نازله اهم شي اخذه وربطه برجله اقول يبه اتركه لاتوذيك (وبنفسي اخاف نغرق ولاتسااعده)
صاار الموكيت كله صياح ونيااح
و الكل فقد الامل والكل يودع الاخر
اللي تعب بنفس الوقت واللي انشدت ايدينه من التمسك عجز يفكهن واللي جته حاله استفراغ الله يكرمكم
وكل بلش بنفسه
وابوي بس قاعد يذكرنا بيوم القيامه وانه الواحد يعرف ربه بكل وقت مو وقت الضيق

قعدنا نصاارع الموج اللي هبل فينا كل مالف السواق لجازان عجز يلف به لم السودان

المهم قرب الفرج من بعيد
نرا منارات جازان توقفنا عن الصياح
بدينا نحمد ربي ونشكر
وماوصلنا الا المغرب
وننزل علطول من الموكيت والكل يسجد لله شكرا من الفرحه والنجاة اللي لم نتوقع ان نعيش على الارض مثل ماعشنا فيها من قبل فلك الحمد ولك الشكر


تخيلو من الظهر الى المغرب وحنا نصاارع الموج مره يغطينا ونشرب من الماء المالح وعيوننا حمر من الملح اللي دخلهن والصياح
ومره يميل الموكيت ونصرخ ويدخل الماء وتتفتح الابواب والعبايات والملابس تقطر من المياه

نزلنا والكل منهد حيله تريحنا لنا ساعه ثم رحنا للشقه اللي بجازان وكأننا مولودين من جديد والكل يباركـ في حياة الاخر
ونجاتـه
تعب ابوي له فتره من الموقف اللي شاهده امام عينه وأولاده يبكون واعين الاطفال البرئاء تدمع
طولنا بجازان الى ان ارتاح ابي من التعب
ثم غادرنا الى ابهاا
وحرمنا شي اسمه بحر وموكيت ولنش وعباره وسفينه
من هذا المنظر والموقف الذي رأيناه بأعيننا ولم نصدق الى الان اننا عايشيين بالدنياا

فالحمد الله الذي نجانا من الغرق
وانقذ العيون الغائره بالبكاء
فلكـ الحمد ياربي حتى الرضا
وهذا موقفنا بأختصاار فعجز لسااني عن التعبير
فعيناي الان تدمع منه
ومن رحمة الله الذي نجانا
ولا أطيل عليكم
ملاحـــــــــــظه
الكل يتعظ بهذا الموقف الله لايوريكم ضعفكم
واقوول لكـــــــــــــم كونوا مع الله دائمااااااااااا
في وقت الضيق ووقت السعاده ووقت الشده واي وقت
وصلى الله عل نبينا محمد

رفيقة قــمــم كتب:

مشكووره على الفكره اللي كانت براسي بس سبقتين به
والافضل والاحلى انه جت منك لامن

بسم الله ابدأ بموقفي المرعب المخيف اللي عجزت لساني التعبير عنه

الصيف الماضي
رايحيين نتصيف بالاجواء البارده والمعتدله تعرفون عاد ابها ماتخلا
خلتس من القرق اخلصي عليهم

المهم
تعرفون
الربع يعني انا واهلي
سافرنا لجزيرة فرسان على العباره او اليخت او السفينه اللي هو
اهم شي مشينا الساعه8 وصلنا الساعه 10 على مااظن والله اني ناسيه من الخوف
وصلنا واستنسنا وتقهوينا وافطرنا وعينا من الله خير
قالت الاداره العوده الساعه 2ظهرا
قلنا سمو ولايهمكم الساعه2 عندكم
يوم وصلنا بعد الشقاء للاداره والمكان قالوا العباره ماتمشي لانه فيه رياح والامواج مرتفعه نخاف نغرق
قلنا وش السوات الحين
بزعوا الربع اللي هم ابوي واخوتي ) وقالو ماعلينا منهم حنا بنمشي على موكيت
وين على موكيت نقطع البحر عليه مايصلح والرياح موجوده كان ندخل تحت الامواج
قالو نتوكل على الله
اييه مشينا الساعه3 الظهر على الموكيت الله يعيننا عليه
اول ماركبنا قعدنا نستهبل واللي يصفر واللي يصور
ماندري وش العاقبه وش تصير عليه
يوم مشينا ربع المسافه الا الامواج تلعب فيناا
والموج يعطي علينا قعدنا نصاارخ واللي يصيح واللي يدعي واللي متعلق بأمه والاطفال برئاء بس يناظروننا ويتعبرون (اقصد بنات اخوي)
اهم شي دخل علينا الماء والباب انفتح من الصبخ والصبيخ وكل ماصكيناه انفتح من ضرب الامواج وترفع بنا وتنزل بنا
خلالالاص أيسنا قلنا مافيه حيااة بعد هذا اليوم وقعدنا نتذكر الماضي
نبي نبلغ احد اننا بالبحر واذا فقدتونا تلقونا بالبحر مافيه ولا برج
الحين حنا بوسط البحرماجنبنا ولادليل
بنفس الوقت الكل يبكي ماعدا امي وابوي الله يحفظهم لناا
بس يهدونناا ويقولون مالنا الا ماكتب الله لنا
قعدنا نبكي زياده
عفشنا طاح وشنطتي اليدويه طاحت من وتملت ماء ابوي يرفعه عن الارض اقول يبه ترانا مايتييين لا تأخذه
يناظرن وده يصييح عبرته نازله اهم شي اخذه وربطه برجله اقول يبه اتركه لاتوذيك (وبنفسي اخاف نغرق ولاتسااعده)
صاار الموكيت كله صياح ونيااح
و الكل فقد الامل والكل يودع الاخر
اللي تعب بنفس الوقت واللي انشدت ايدينه من التمسك عجز يفكهن واللي جته حاله استفراغ الله يكرمكم
وكل بلش بنفسه
وابوي بس قاعد يذكرنا بيوم القيامه وانه الواحد يعرف ربه بكل وقت مو وقت الضيق

قعدنا نصاارع الموج اللي هبل فينا كل مالف السواق لجازان عجز يلف به لم السودان

المهم قرب الفرج من بعيد
نرا منارات جازان توقفنا عن الصياح
بدينا نحمد ربي ونشكر
وماوصلنا الا المغرب
وننزل علطول من الموكيت والكل يسجد لله شكرا من الفرحه والنجاة اللي لم نتوقع ان نعيش على الارض مثل ماعشنا فيها من قبل فلك الحمد ولك الشكر


تخيلو من الظهر الى المغرب وحنا نصاارع الموج مره يغطينا ونشرب من الماء المالح وعيوننا حمر من الملح اللي دخلهن والصياح
ومره يميل الموكيت ونصرخ ويدخل الماء وتتفتح الابواب والعبايات والملابس تقطر من المياه

نزلنا والكل منهد حيله تريحنا لنا ساعه ثم رحنا للشقه اللي بجازان وكأننا مولودين من جديد والكل يباركـ في حياة الاخر
ونجاتـه
تعب ابوي له فتره من الموقف اللي شاهده امام عينه وأولاده يبكون واعين الاطفال البرئاء تدمع
طولنا بجازان الى ان ارتاح ابي من التعب
ثم غادرنا الى ابهاا
وحرمنا شي اسمه بحر وموكيت ولنش وعباره وسفينه
من هذا المنظر والموقف الذي رأيناه بأعيننا ولم نصدق الى الان اننا عايشيين بالدنياا

فالحمد الله الذي نجانا من الغرق
وانقذ العيون الغائره بالبكاء
فلكـ الحمد ياربي حتى الرضا
وهذا موقفنا بأختصاار فعجز لسااني عن التعبير
فعيناي الان تدمع منه
ومن رحمة الله الذي نجانا
ولا أطيل عليكم
ملاحـــــــــــظه
الكل يتعظ بهذا الموقف الله لايوريكم ضعفكم
واقوول لكـــــــــــــم كونوا مع الله دائمااااااااااا
في وقت الضيق ووقت السعاده ووقت الشده واي وقت
وصلى الله عل نبينا محمد

الحمد لله ع السلامة
وسلامه دائمة إن شاء الله

رفيقة قمم الحمد لله على سلامتكم ..

وياعلها آخر الأحزان والمواقف المخيفة للجميع ..

موقفي الله يسلمكم ويعافيكم أرويه لكم وأقول:

يوم كنت صغير بالإبتدائي بس بالظبط مادري متى,عموما كنت رايح مع الحلقة لإستراحة,أهم شيء إستانسنا هناك وإنبسطنا ورجعنا تقريبا على 12,رجعنا المدرس لبيوتنا,يوم نزلت عند بيتنا وأدق الجرس ولا فيه حس ولا لس,عدل بدل والله مافيه أحد بالبيت وجلست شوي عند الباب قلت ايه شوي ويجون,المهم مرت سيارة فيها شباب من عندي,مرت مرة ومرتين وثلاث الصراحة أنا تخرعت قلت مايصلح أجلس هنا لازم أروح على الشارع العام يوم طلعت على الشارع لقيت فيه محل ماسكر رحت لمه وقلت ممكن الجوال لاهنت,أخذت الجوال ودقيت على أبوي قال إننا كنا عند عمك وهذانا بالطريق,وجو الحمد لله ولا راضوني ولا شيء ولاكأن شيء صار ..

بس إني حقدت على أهلي مو معقولة يروحون لعمي ويتأخرون وأنا برا البيت ..

وبث هذا اللي عندي ..

بس حسيت إن موقفي مايخوف بعد ماقريت موقف رفيقة ..

الله يحفظنا وإياكم وينزل علينا السكينة والطمأنينة ..

مشكورة زورق عالموضوع

اشكر كل من نور موضوعي وتفاعل معي...

رفيقة قمم صراحه موقف يخوف مره الحمدلله على السلامه...

مجرد احساس ماشاءالله عليك وشلون جتك فكره انك تروح للمحل...


اتمنى التفاعل اكثر...

&زورق& كتب:

مجرد احساس ماشاءالله عليك وشلون جتك فكره انك تروح للمحل...

ايه تراني ذكي حتى لو شفتوني ماني بذاك الزود ..

بس لاتنسون تذكرون ربكم تعرفون العين حق ..

انا عندي موقف مؤلم

ولكن لي عودة

بس للتذكير عشان ماانساه

رفيقة قمم ننتظر موقفتس على احر من الجمر....

بسم الله
عدت اليكم
اييه اقولكم الموقف المؤلم

قبل سنتين هالموقف

كان لي عمة (ام احمد)تعباانه ساكنه بالرياض

قررنا انا واهلي يوم الاثنين اننا نروح للرياض يوم الاربعاء

لزيارتها اتفقناا على الزياره

المهم جاء يوم الاربعاء وكلنا رايحين لمدارسنا

قال ابوي اذا جيتو من المدارس الظهر تنامون والعصر نمشي للرياض

جينا من المدارس كلنا

المهم نمت انا وخواتي

جت اختي اللي بالابتدائي تبي تقومنا لصلاة العصر

اثره هالمليحة ماتعرف تقوم

علطول دخلت غرفتي وقالت يارفيقة قمم اللي هي انا

قومي قومي عمتي منيره ماتت

انا قمت وشهقت ابتنفس عجزت توقف نفسي وعجزت اتحرك

تقريبا عشر دقايق عجزت انفس الى يوم طلعت دمعتي تنفست

قلت كذابه

قالت والله انه عمتي منيره مااتت

قمت من السرير

وعلطول على الدرج نازله منهبله وشلون اليوم

نبي نزوره ونصير نبي نعزيه

اصاارخ بالدرج يمه يمه

ماحد يرد نزلت مالقى احد

الااختي الكبيره تصيح بغرفة الجلوس

قعدت على الباب وقعدت اصيح معه وصلاة العصر نسيته

نزلن خواتي الثانياات وقعدن يصاايحن وصارت الغرفه صياح ونياح

سألته عن امي وابوي قالت انهم راحو للرياض

الساعه 8 الصبح

قلت متى ماتت قالت الساعه 7 الفجر

اييه الله يرحمتس ياعمتي منيره الغاليه على قلوبنا

ويارب تجمعنا وياه ووالديني بالفردوس الاعلى

اميييييييييييين

^^

الله يغفر لعمتك ويسكنها الفردوس الأعلى من الجنة ..

صدق المواقف هذي خاصة إذا كانت بنفس الطريقة مريعة ومخيفة لدرجة خيالية ..

مشكور مجرد احساس على ردك الجميل

امييييين ياااارب

مشكوره ثلجه اوووي اووووي

اميييين يارب العالمين

مشكوره رفوقه على الموقف المؤلم صراحه...
الله يرحم عمتس ويسكنه فسيح جناته...

عاد انا تذكرت موقف مخيف..العطله اللي راحت..كنا طالعين لعسيلان..يوم الثلاثاء..طلعنا الساعه 10الصباح..وكان الجو غبار شوي..قلنا لابوي بناخذ خيمه..لان الجو مايساعد اننا نطبخ الغداء..
اخذنا خيمه يوم جلسنا وعينا من الله خير..وقعدنا نحتري اختي الكبيره واخوي هو وزوجته..جو الساعه 2..هدا الجو وفلينا القهوه..
بعدين جاء غبار الله لايوريكم..والله ماشوف اللي قدامي من قوته..
بعدين بدا اخوي الي بالابتدائي يصارخ العمود العمود..مامدانا نشوف الاوهي تهوي علينا>اعرف اعبرخخخخج..
اهم شيءالعامود صار على ظهر زوجة اخوي..وانا ابطلع ضرب العامود خشمي..ونروح نركب سيارة اخوي كامري..ركبنا بدون عبايات..كل عباياتنا بالخيمه..ويبدون ابوي واخوي وازواج خواتي يضفون العفش من تحت الخيمه..دموعنا تراب من كثر التراب اللي
جاء بوجيهنا..بعدين كل واحد راح لسيارتهم..بس اللي قاهرني شيء واحد>انه كل حلوياتنا راحن تحت الخيمه خخخخخخخخخ
ورحنا للبيت من دون عبايات..اختي عليها بطانيه صفراء زعريه..
والفشيله بعد ان رجال خواتي ماغديناهم..

وقضى الموقف>عاد تراي ماعرف اوصف لكم الموقف من شدته..

^^

الحمد لله على سلامتكم ..

وأهم شيء إنكم رجعتو سالمين ولا غداء رجال خواتك لاحقين عليه ..

وحسافة الحلويات صارن في مهب الرياح ..

الحمد الله على سلامتكم

وسلامتك يازورق

موقف مؤلم بصرااحه

وياحسااافة هالحلوياات

بس بدل الحلويات حلويات

اما الاوادم مابدالهم شي

مشكوووووووووووووره

انتظررو موقفي المخييف

مششششششششكوووووووورين على التفاعل في موقفي...

يالله يارفيقة قمم ننتظر موقف...

امممممم موقفي نسيته

اممممم

لالاتذكرته

مرره بالحج رايحين نطوف ونسعى ونجدع الجمرات بيوم العيد قضينا
وحنا تافليين العافيه
اخذنا نقل صغير وهو يعني باص صغير من الحرم يوصلنا الى الخيام بمنى
المهم كان السواق حجازي تعرفون الحجز انتم
رجعنا ومسكنا طريق العزيزيه
وهالمكاان مزحوووم والسيارات تخطم كل وحده على الثانيه
مسكنا الطريق الاوالهايلكس حقت البكستنه خطمت علينا وحكت الباص والباص جديد يلمع
نزل هالحجازي ومعصب الى 180 درجه كالفن من القهر
فتح باب السواق وطرخ وطرخ وطرخ بالبكستاني
الى ان تجمدت اعصابه مانتهى هالحجازي
رجع للباص واخذ حديده وطرخ وطرخ بالبكستاني
انا عجزت امسك نفسي اقول لالالالا حراااام
والناس بس تناظر
واقول حسبي الله عليه وين الرحمه
البكستاني المسكين مستسلم ولايدافع عن نفسه
جاو الناس وامسكو هالحجازي ويقولون حج حج
هو ماهمه قلب قاااسي لاعلى درجه يقول اتركون
ويرجع ثانيه للباص وهو يلجلج ويلقى ميكرفون وياخذه ويصكه براسي البكستاني وطرخ وطرخ وياخذه ثانيه ويصكه براسي
انا عجزت اتحمل اقول وخررووه عنه واصييح تقول امي صدي لاتناظرين وانا اقول لالاحراااام واصيح ويلتفت علي ابوي ويقول وراه متسكت البنت فشلتنا عند الرجاال
عاد انا ماتحمل هالمواقف لازم اصييح
المهم هدوه الناس وروحو البكستاني
وهو من يوم يركب وهو يحضرم
وصلنا ولله الحمد للخيام وسوولنا حفلة العيد ومهرجانات ونسيت هالموقف
وصلى الله وبارك

يوووووووووووه صراحه موووووووقف يخوف..

وشلون ماشاء الله عليتس تحملتي تشوفينه..

لو انا تسان لاقينن بالمستشفى من الخرعه..

مشكووره يارفوقه على الموقف المؤثر بصرراحه..

وننتظر منك موقف ثاني بعد>ماتنعطى وجه..

سبحان الله بعض الناس مابقلوبهم رحمة ..

خاصة بعض السعوديين إذا شاف أجنبي بدأ يستعرض قواه على هالمسكين ..

مشكورة رفيقة قمم على هالموقف ..

هههههههه
حلوووه
من هو انت عشان اضرب اخوك الثاااني